Unang araw niya sa bagong campus. Tahimik ang mga estudyante. Organized ang klase. Walang nag-uusap habang naghihintay ng guro.
Sa pinaka-likod ng classroom, may isang lalaking nakaupo — nakasandal, naka-earphones, nakatitig sa labas ng bintana.
May aura na parang hindi mo dapat lapitan, pero mahirap huwag pansinin.
"Elian Reyes," bulong ng kaklase niya. "Transfer lang din siya. Parang may pinagdadaanan."
Nagkatinginan sila. Saglit lang. Pero parang tumigil ang ingay sa paligid.
Nang pauwi na si Tessa, nagkasabay silang sumakay ng jeep. Tahimik pa rin si Elian, pero nung bumaba siya...
"Magkita tayo bukas," bigla nitong sabi.
Tumingin si Tessa — gulat.
"Ha? Bakit?"
"Ayokong maging invisible na naman."